දේශනාවේ අන්තර්ගතය
බුදුරජාණන් වහන්සේ විසින් භික්ෂුන් උදෙසා මෙසේ කියන ලදී "වේසලික උග්ග සිටුතුමා ලග ආශ්චර්ය අද්භූත කරුණු 8 ක් තිබෙනවා." ඉන් පසුව මෙම ආශ්චර්ය අද්භූත කරුණු මොනවා දැයි දැනගැනීමට පින්වත් භික්ෂුවක් උග්ග ගෘහපති හමුවට ගොස් විමසයි. මෙම සංවාදයේදී උග්ග සිටුතුමා බුදුරජාණන් වහ්සේ පැවසූ ආශ්චර්ය අද්භූත කරුණු 8 නොදන්නා බවත් මෙම කරුණු 8 මා තුල ඇති බව පවසන ලදී.
මෙම පින්වත් භික්ෂුව නැවත බුදුරජාණන් වහන්සේ හමුවට විත් උග්ග සිටුතුමා පැවසූ කරුණු බුදුරජාණන් වහන්සේ ඉදිරියේ ගෙනහැර දක්වයි.
එම කරුණු,
- ස්වාමිනි ,බුදුරජාණන් වහන්සේ දුර දීම දැකීමත් සමගම සිත පහන් වෙලා ගියා ගියාමයි වෙනස් වුනේ නැහැ. මෙය මගේ පලවෙනි ආශ්චර්ය අද්භූත කාරණාවයි.
- පහන් සිතින් බුදුරජාණන් වහන්සේව ආශ්‍රය කලා. එහෙම ආශ්‍රය කරනකොට උන්වහන්සේ අනුපිලිවෙල කතාව මට පැවසුවා. දාන කතා, සීල කතා, සග්ග කතා, කාමානවං අදීනවං, ඕකාරං සංකිලේශං, නෙඛ්ඛම්මේ අනිශංසං. ඒ වගේම සමොකංසික ධර්ම දේශනාව වදාළා. ඉන්පසුව පංච නීවර්න යටපත් වුණා. මෙය ආර්ය සත්‍යක් මයි කියා වැටහුනා. බ්‍රහ්මචාරී සීලය අනුමෝදන් වුණා. ඉන්පසු බුදුරජාණන් වහන්සේ ඇතුළු ශ්‍රාවක සංඝ රත්නය සරණ ගියා.මෙය මගේ දෙවෙනි ආශ්චර්ය අද්භූත කාරණාවයි.
- ඉන්පසු මා කෙලින්ම නිවසට ගියා නිවසේ මා විවාහ කරගත් තරුණ කාන්තාවන් හතර දෙනෙක් සිටියා. මම ඒ අයට කතා කරලා කිව්වා " නැගෙණිවරුනි මම අද පටන් බ්‍රහ්ම චාරි වූ පංච සීලය සමාදන් වුනා. පිනට කැමති කෙනෙක් මාත් සමග සහෝදරියන් විදයට ඉන්න පුළුවන්. කැමති කෙනෙක් ඉන්නවා නම් ගෙදර යන්න කැමති මන් ගෙදර ගිහින් ඇරලවන්නම්. කැමති කෙනෙක් ඉන්නවා නම් මට අසවලා විවාහ කරගන්න අවශ්‍ය යි කියා එහෙම කරල දෙන්නත් පුළුවන් යයි පැවසුහ. ඉන්පසු වැඩිමහලු බිරිද කිව්වා අසවල් එක්කෙනා සරණ පවා දෙන්න කියා. ඉන්පසු කරු කතා කර ඒ කෙනාට කතා කර අතපැන් වක්කර සරණ පවා දුන්නා. ඒ වගේ අවස්ථාවක වුවද මගේ සිතේ කිසිම වෙනසක් වුනේ නැහැ ස්වාමිනි .මෙය මගේ තෙවෙනි ආශ්චර්ය අද්භූත කාරණාවයි.
- ස්වාමිනි, මට විශාල සම්පත් තියෙනවා දේපල තියෙනවා මන් ඒවා සිල්වතුන්ට ගුණවතුන්ට පුජා කරනවා. නමුත් මම ඒවා පුජා කරන්නේ සිමා කරගෙන නෙවෙයි.මෙය මගේ හතර වෙනි ආශ්චර්ය අද්භූත කාරණාවයි.
- ස්වාමිනි මන් භික්ෂුන් වහන්සේ ලා ඇසුරු කරනවා මනා කොට. නොමනා කොට නෙවෙයි.මෙය මගේ පස්වෙනි ආශ්චර්ය අද්භූත කාරණාවයි.
- ස්වාමිනි ඒ භික්ෂුන් වහන්සේ ලා මට ධර්මය දේශනා කරනවා මන් ඒ ධර්මය මනා කොට අසනවා නොමනා කොට නෙවෙයි. හැබැයි ඒ ස්වාමින් වහන්සේලා මට ධර්මය දේශනා කරන්නේ නැත්නම් මන් ඒ ස්වාමින් වහන්සේලා ට ධර්මය දේශනා කරනවා.මෙය මගේ හයවෙනි ආශ්චර්ය අද්භූත කාරණාවයි.
- ස්වාමිනි දෙවිවරු ඇවිත් කියනවා මට බුදුරජාණන් වහන්සේ මනා කොට දේශනා කරන ලද ධර්මයක් නේද මේ, මම කියනවා පින්වත් දේවිය ඔහේ ඕක මට කිව්වත් එකයි නැතත් භාග්‍යවත් බුදුරජාණන් වහන්සේ මනා කොට දේශනා කරන ලද දෙයක්මයි මේ ධර්මය. මම මෙහෙම දෙවියන් සමග අල්ලාප සල්ලාපයෙහි යෙද්ද්දීත් මට කිසිම ආඩම්බර කමක් ඇති වෙන්නේ නැහැ දැන් මාත් දෙවියන් එක්ක කතා කරනවා කියල.මෙය මගේ හත්වෙනි ආශ්චර්ය අද්භූත කාරණාවයි.
- ස්වාමිනි බුදුරජාණන් වහන්සේ ඕරම්භාගිය සංයෝජන 5 ක් ගැන දේශනා කළා ඒ පහෙන් එකක් වත් මා තුල තියෙන බවක් මට පෙන්නේ නැහැ.මෙය මගේ අටවෙනි ආශ්චර්ය අද්භූත කාරණාවයි.
ස්වාමිනි භාග්‍යවතුන් වහන්ස මෙන්න මේ කරුණු ටික උග්ග සිටුතුමා දේශනා කරන ලදී.
සාදු සාදු සාදු...!! පින්වත් භික්ෂුව ඉතා හොඳයි ඔන්න ඔය කරුණු 8 තමයි උග්ග සිටුතුමාට තියෙනවා කියා මා කියන්නේ. බුදුරජන් වහන්සේ මෙසේ අනුමෝදන් කරන ලදී,
පූජ්‍ය කිරිබත්ගොඩ ඤාණානන්ද ස්වාමීන් වහන්සේ
